Ek arsa hua

Ek arsa hua kitabon ko padhein hue, kagaz ki khushboo ko soonghey hur, Unn peeley pano ko palate hue, sukhey phool or Patti ko dhoondhe hue..

Ek arsa hua kahaani main doobey hue kirdaar main khoye hue, Panney palattey palattey soye hue..

Ek arsa ho chala syaahi giraye hue, rang bikharaye hue, khud ko lubhaye hue, samay se zindagi churaye hue..

Ek arsa ho chala Bachpan jagaayein hue, bin Matlab muskuraye hue, be jhijak besura gaye hue, raat Bhar batiyaein hue.. 

Bas, Ek arsa ho chala Khud ko paye hue... 

Manisha Dawar